معتمر بغا يتلاقا مع سيدي ربي وهو ينقز من فوق المسجد الحرام (فيديو)

كود – وكالات //

عرف الحرم المكي واحد البلان على غفلة  مني حاول معتمر ينقز من ليطاج الفوقاني وسط  المسجد الحرام  ، واحد من  عناصر القوة الخاصة  لمسجد الحرام حاول يتلاح عليه باش ميطيحش نيشان مع لارض .

https://www.facebook.com/share/r/163CGBxqMq/

السيد لي تلاح تهرس من عضامو ، ورجل الأمن حتى هو تعطب وتقاس  ومشاو بجوجهم ياخدو المستعجلات ،وتفتح تحقيق باش يعرفو الأسباب الحقيقية  لي خلات السيد يتلاح.

ماشي هادي هي  الحادثة  الأولى من نوعها لي وقعات ، فأبريل 2024، وقع موقف مشابه حاول فيه معتمر يلوح راسو من واحد ليطاج الفوقاني وتم نقلو السبيطار ، ف 2018 سيد  فرنسي لاح راسو من  السطح ومات وخا دخلات  السلطات، وقبلها ف2017، شاب سعودي حاول يحرق راسو قدام  الكعبة

هاد الحالات كلها كتبيّن أن لبلايص المزاحمة بحال الحرم المكي والجامع الحرام   مع الضغط النفسي والزحام، ممكن توقع فيهم مواقف خطيرة وعلى غفلة ايلا مكانتش متابعة نفسية المعتمرين والحجاج.

إقرأ الخبر من مصدره