بان سبورتيف.. فيديو جديد ديال ماكرون وهو كيتريني مع العسكر د فرنسا

وكالات//

دار فيديو نشراتو رئاسة الإليزيه ضجة كبيرة وتفاعل واسع فمواقع التواصل الاجتماعي، من بعد ما بان فيه الرئيس الفرنسي إيمانويل ماكرون كيدير تمارين رياضية مع جنود فرنسيين فأبوظبي، فزيارة عسكرية جات متزامنة مع عيد ميلادو الـ48. وبهاد الخطوة بغى ماكرون يوجّه تحية لجنود بلادو بمناسبة عيد الميلاد ديالو.

https://www.instagram.com/reel/DSk0izFDYrv/?utm_source=ig_embed&ig_rid=4f2f9235-a572-4b50-bfca-1501402cd447

ماكرون شارك فمجموعة ديال التمارين البدنية القاصحة، بحال تمارين الضغط، البلانك، رفع الركبة، والجري، وهو لابس شورط رياضي قصير باللون الأزرق وتيشيرت أبيض، وكيقود التمارين قدّام عربة مدرعة. وكان معاه فهاد النشاط مؤثر اللياقة البدنية الفرنسي المعروف “تيبو إنشيب”، اللي مشهور بفيديوهات تحفيزية كيتابعوها الملايين فالمواقع ديالو.
الفيديو كان فيه حتى لقطات ترفيهية، فين بانوا الجنود كيتصورو مع الرئيس وكيحتافلو معاه بعيد ميلادو، فجو ديال الألفة والود، مع كعكة ديال الاحتفال والضحك. وماكرون نشر الفيديو فالحسابات الرسمية ديالو وعلّق عليه:
“فخر كبير ليا نشارك هاد اللحظات مع جنودنا، وكل عام وأنتم بخير”.

إقرأ الخبر من مصدره