كود ـ الصويرة//
عرفات الطريق الوطنية الرابطة بين أكادير والصويرة، صباح اليوم الاثنين، كسيدة خطيرة بعدما تقلب طوبيس، ديال النقل الحضري قرب مدخل مدينة الصويرة.
وحسب المعطيات المتوفرة، فالطوبيس كان جاي من جماعة سميمو، قبل ما يفقد السائق السيطرة عليه في واحد المدار كاين بمدخل المدينة، الشي اللي خلاه يتقلب بشكل مفاجئ.
هاد الكسيدة خلفات وفاة مرا في عين المكان، إضافة إلى إصابة حوالي 10 أشخاص بجروح، من بينهم واحد الشخص حالتو وُصفت بالحرجة.
وفور علمها بالحادث، تدخلات عناصر البومبية والسلطة المحلية، حيث تم نقل جميع المصابين على وجه السرعة إلى مستشفى سيدي محمد بن عبد الله بالصويرة، من أجل تلقي الإسعافات والعلاجات الضرورية.
ومن جهتها، فتحت المصالح المختصة تحقيق باش يعرفو ظروف وملابسات انقلاب الطوبيس، اللي رجع من جديد يطرح سؤال السلامة الطرقية بهاد المحور الطرقي الحيوي.