صدمات لي فان ديالها.. ممثلة كوميدية مشهورة علنات رغبتها ف الانتحار وكتقلب على لي يعاونها باش تموت

وكالات//

علنات الممثلة والكوميدية الكندية كلير بروسو، اللي عندها 48 عام، أنها كتفكر فاختيار طبي قانوني مرتبط بحالتها الصحية، بعدما عانت لسنين طويلة من مشاكل نفسية قوية. وقالت فواحد الرسالة المفتوحة، وبدعم من العائلة والأصدقاء ديالها، أنها مشخصة بعدة اضطرابات نفسية بحال الاكتئاب الحاد، القلق، اضطرابات فالشخصية، الأكل، الصدمات النفسية، ومشاكل أخرى.

وحسب جريدة “ديلي ميل” البريطانية، بدات المعاناة ديالها وهي فسن 14 عام، من بعد فترة صعيبة فيها سلوكات خطيرة. وعلى مر السنين دارت بزاف ديال العلاجات النفسية والطبية، ولكن كتقول إن حتى واحد فيهم ما قدر يخفف المعاناة ديالها بشكل فعّال.

وفـ2021، تقدمت بطلب باش تستافد من برنامج كندي كيسمح بمساعدة طبية فحالات صحية خطيرة وما عندهاش علاج. ولكن دابا هاد البرنامج ما كيشملش غير الحالات النفسية بوحدها، وتأجل تطبيق هاد التغيير حتى لسنوات جاية. وبهذا السبب، رفعت كلير دعوى قضائية ضد الحكومة الكندية، وكتقول باللي القانون فيه تمييز، وباغية تكون عندها نفس الحقوق بحال الناس اللي عندهم أمراض جسدية خطيرة وما عندهاش علاج.

إقرأ الخبر من مصدره