كود – الرباط///
صيفط إدريس شحتان، مالك مجموعة “شوف تيفي”، رسالة إلى المدير العام للوكالة الوطنية للمحافظة العقارية رسالة كيلتمس منو باش يخبر المغاربة يلا كان بصح عندو بعض العقارات اللي هضر عليهم أمين عام حزب سياسي.
هاد العقارات اللي كيهضر عليها شحتان تتمثل فشي أرض كاينة فكاليفورنيا ففاس، وشي 3 برطمات فطريق عين الشقف ففاس، وشي أرض كاينة ضواحي سيدي رحال، بالإضافة إلى شي فيرما حدا برشيد وشي دار فمارينا.
شحتان طلب من المحافظ العام يخبر الرأي العام بصحة هادشي وخا تكون فالإسم ديالو مراتو او عائلتو كلها باش تبان الحقيقة للرأي العام.
