وكالات//
علنت شركة البريد الحكومية الدنماركية “بوست نورد” باللي وصلات آخر رسالة نهار الثلاثاء، وبهذا سالات خدمة البريد العمومي من بعد مسيرة دامت 400 عام، وولات الدنمارك أول دولة فالعالم اللي كتوقف البريد الورقي نهائياً.
هاد القرار جا من بعد ما نقص عدد الرسائل الورقية بأكثر من 90٪ من عام 2000، بسبب التحول الكبير للإيميل، والرسائل النصية، ومكالمات الفيديو.
Denmark’s national postal service, PostNord, is ending traditional letter delivery by December 31. It marks an end to 401 years of traditional postal operations as it shifts focus to parcel delivery pic.twitter.com/jXbagkPsb7
— Reuters (@Reuters) December 30, 2025
ومنذ يونيو، بدّات بوست نورد فإزالة حوالي 1500 صندوق ديال البريد فمختلف مناطق البلاد، وباعتهم باش تجمع تبرعات للأعمال الخيرية، وسط إقبال كبير من المواطنين. ودابا من هاد اللحظة، غادي يتجمع البريد فـأكشاك داخل المحلات التجارية، وتتكلف شركة DAO الخاصة بالتوصيل، بينما كتواصل بوست نورد خدمة توصيل الطرود، حيت التجارة الإلكترونية كتعرف ازدهار كبير.
الدنمارك كتعتبر من أكثر الدول تقدماً فالمجال الرقمي، وهاد الشي خلا البريد الورقي ما بقاش ضروري بحال قبل. وقال أندرياس بريثفاد، الناطق باسم بوست نورد:
“مع الاستعمال الكامل للتكنولوجيا، الرسائل الورقية ما بقاتش كتقوم بنفس الدور ديالها السابق، بينما التجارة الإلكترونية وسوق الطرود تفوقو عليها بزاف”.
ورغم هاد الشي، كيبقاو كبار السن وبعض الفئات اللي ما متعوداش على التقنيات الرقمية كيعانيو فالوصول لخدمات البريد. ووضحات مارلين ريشوي كوردس، من جمعية “دين إيج”، باللي:
“سهولة الوصول للبريد عبر الهاتف ولا الإنترنت ما كتعكسش الواقع ديال جميع المستخدمين”.