كود سبور//
تعرفو ماتشات ثمن نهائي كأس إفريقيا “المغرب2025″، بعدما سالات مرحلة المجموعات من المسابقة القارية اليوم الأربعاء بإجراء ماتشات الجولة الثالثة.
وغادي يلعب المنتخب الوطني المغربي ثمن النهائي ضد منتخب تنزانيا، جنوب أفريقيا غادي يلعبو ضد الكاميرون، ونيجيريا غادي يلعبو ضد الموزمبيق، والجزائر ضد الكونگو الديمقراطية.
وبناء على الاحتمالات فـ هاد المواجهات، فالمنتخب الوطني المغربي إلى تأهل لربع النهائي غادي يلعب ضد المتأهل من ثمن نهائي جنوب إفريقيا والكاميرون، وإلى تأهل للدومي فينال غادي يقدر يلعب إما مع نيجيريا أو الموزمبيق او الجزائر او الكونكو الديمقراطية.
وأما المواجهات الأخرى ديال ثمن النهائي فيها مالي ضد تونس، والسنغال ضد السودان، ومصر ضد البنين، والكوت ديفوار ضد بوركينا فاسو، وهاد المنتخبات يقدر يلعب المنتنخب الوطني مع واحد فيها إلى وصل هو وياه للفينال فقط.
ماتشات ثمن نهائي كاس افريقيا غادي يبداو ابتداء من السبت الجاي 3 يناير حتى الثلاثاء 6 يناير.