كود – بني ملال //
تزعزعات ساكنة حي أيت تسليت بمدينة بني ملال، اليوم الاثنين 5 يناير 2026، مني وقعات جريمة قتل خطيرة مشا ضحيتها رجل كبير فالثماننات بعدما تعرض لاعتداء من طرف ولدو وسط الدار.
وحسب معطيات توصل بها الموقع، فالضحية كان غابر على الأنظار لمدة كتوصل تقريباً ليومين، الشي اللي خلا الجيران والمعارف ديالو يشكو ، هاد الشكوك خلات السلطات الأمنية تتدخل لدار، فين لقاو كسدة الاب .
التحقيقات الأولية بينات أن الجريمة وقعات وسط الدار ، وأن السيد المشتبه فيه لي كان عسكري سابق حاول يخبي لي وقع، وبقى كيتصرف بشكل عادي، بحالا ما وقع والو ،ومني تعلمات السلطات، جات المصالح الأمنية وفتحات تحقيق تحت إشراف النيابة العامة المختصة، باش يتحدد ملابسات هاد الجريمة والدوافع ديالها، و توقيف المشتبه فيه ووضعو تحت الحراسة النظرية.