عمر المزين – كود///
البارح الإثنين قرر وكيل الملك لدى المحكمة الابتدائية ففاس باش يدير منتحل صفة صحافي فالحراسة النظرية رهن إشارة البحث القضائي اللي بدا معاه وتكلفات بيه الفرقة المكلفة بمكافحة الجرائم الإلكترونية التابعة للمصلحة الولائية للشرطة القضائية.
القضية وكل ما فيها هو أن هاد المنتحل الذي ينحدر من مدينة صفرو ناض يبتز شي صحافية وهددها باش ينشر ليها تصاور وفيديوهات جنسية منسوبين ليها، لكن واش حقيقيين او لا منعرف. حقاش الخبرة هي اللي غادي تقول هادشي.
هاد الموقوف اللي غادي يدوز عند النيابة العامة ففاس، وفق المعلومات اللي توصلات بيها “كود”، ناض يبتز هاد الصحافية وطلب منها باش تمارس معاه الجنس او ينشر ليها هاد التصاور والفيدوهات.