كود -لوفيگارو//
شركة Fnac ففرنسا سحبت واحد الكتاب بعدما دار صداع فالإنترنت. هاد الكتاب، لي تألف فالقرن 14، فيه نصوص كتحرض على العنف ضد المثليين، اليهود والمسيحيين، من بين الجمل لي فيه: «المثلية كفس من القتل» و«وخاص رجم المثليين»… هاد الشي خلا الناس ففرنسا من بينهم أعضاء حزب التجمع الوطني (RN)، يطالبو بالتحرك باش يتسحب.
الوزارة ديال الثقافة قالت بلّي كاين برنامج ديال التصريح الثقافي، وكيدرسو باش يوقفو العرض د الكتاب، وذكرو بلّي اليوم أي خطاب كراهية أو تحريض على العنف ما مقبولش إطلاقاً. أما Fnac، فسحبات الكتاب من المحلات والموقع ديالها، وأمازون بدات حتى هي كتراجع الموضوع.
حسب التقارير، المبيعات كانت ضعيفة: أقل من 200 نسخة فـ2025، ولكن الفيديو لي انتشر على X جمع تقريباً 870 ألف مشاهدة وخلق نقاش، ووزارة الداخلية الفرنسية سبق ودارت متابعة لكت اعتبراتها عنصرية ومعادية للسامية على مواقع البيع.