كود كازا ////
المدير العام للمكتب الوطني للسياحة اشرف فايدة ديما بلا فايدة. مدير عام عبء على قطاع محتاج لمبدعين ماشي لمسؤول ما عارفش حتى لغة بلادو. هاد الشي كيبان فانشطتو.
الكان اللي منظمو المغرب هاد ليام كان ممكن يكون ڤيترين للبلاد، دارت خدمة كبيرة قبل ما يجي وكيضرب فيها.
هاد المدير ما لقى ما يدير غير يجيب شي مؤثرين ما عند بوهم اثر. فاشل فكلشي لان الوكالة اللي عطاها المارشي بعد ما قولب الوكالات الاخرى، ما فيدهاش. جاب اللي كانو يخدمو معاه باش كان فالقطاع الخاص وكان معروف عليه الضعف وعدم القدرة فابداع واقتراح حلول للمشاكل اللي كتواجه المقاولات اللي كان شرف عليها قبل.
هاد المدير عوض يركز على خدمة مهنية قافزة مشى جاب شي نكرات سماهم “صناع الرأي في السفر” باش يدورو فالبلاد. دار بيان تافه بحال ادارتو لهاد المؤسسة المهمة.
خاص وزيرة السياحة فاطمة الزهرا عمور تمارس صلاحياتها وتجيب مدير كيعرف بلادو. كيعرف يقرا لغة بلادو. كيعرف يخدم السياحة.
راه كلشي اللي بناه عادل الفقير اللي كان قبلو غادي يريبو هاد بلا فايدة