گود سبور//
وصل المنتخب الكاميروني للرباط جاي لها من أكادير، باش يلعب مع المنتخب الوطني المغربي نهار الجمعة الجاي فـتيران مولاي عبد الله ضمن ربع نهائي كاس افريقيا “المغرب2025”.
الكاميرون دارو حصة تدريبية صباح اليوم الأربعاء فـ تيران أنزا بين تغازوت فين كانو كالسين، وأكادير اللي شدو من المطار ديالها المسيرة طيارة خاصة إلى مطار سلا الرباط، ووصلو للرباط باش يرتاحو قبل ما يديرو حصة تدريبية غدا الخميس هي الأخيرة قبل الرباط.
وبالرجوع للحصة التدريبية ديال الكاميرون اليوم الاربعاء، فركز المدرب ديالهم ديفيد باكو مع اللاعبين على جميع السيناريوهات د الماتش ضد المنتخب المغربي الهجومية والدفاعية وحتى من البينالتيات خدمو عليهم.