وكالات//
النجمة العالمية أنجلينا جولي خرجات أول إعلان ترويجي لفيلمها الجديد Couture، وبانت فيه كتبيّن براعتها فالهضرة بالفرنسية، الشي اللي كيعكس ارتباط عاطفي قوي بموضوع الفيلم.
أحداث فيلم Couture كدور خلال أسبوع الموضة فباريس، وكتجسّد فيه جولي دور مخرجة أفلام كدوز من تجربة طلاق وكتتشدّد ليها إصابة بسرطان الثدي. وفاللقطات الأولى ديال الإعلان، كيبان باللي أنجلينا كتهضر بالإنجليزية والفرنسية بجوج، وهاد الشي كيعطي للدور ديالها طابع شخصي وحقيقي أكثر.
https://www.youtube.com/channel/UCZSqTErLeLFFAgVzJV5xpNw
وسبق لأنجلينا جولي، اللي عندها دابا 50 عام، هضرات على العلاقة العاطفية اللي كتربطها بموضوع الفيلم. الأم ديالها توفات عام 2007 وهي عندها 56 عام بسبب سرطان الثدي والمبيض، وأنجلينا دارت عملية استئصال وقائي مزدوج للثدي عام 2013 من بعد ما بينات التحاليل باللي كاين خطر كبير تصاب بهاد المرض.
وقالت أنجلينا فتصريح لمجلة تايم فرنسا فديسمبر اللي فات:
“هاد القصة شخصية بزاف بالنسبة ليا”، وهي كتأشّر على الندوب الجراحية اللي عندها فغلاف المجلة، وزادت قالت:
“حسّيت من الأول برابط عميق مع شخصية كوتور. الطريقة اللي خدامة بها المخرجة أليس وينوكور فالتعامل مع المرض فريدة من نوعها”.