كود سبور//
حاضرة اللمسة المغربية كرويا فـ إنجازات كاس افريقيا “المغرب2025” كيفما حاضرة من الناحية التنظيمية، واللي نجح من خلال المغرب باش ينظم احسن نسخة فـ البطولة القارية.
وقدر النجم المغربي براهيم دياز يحقق إنجاز عمّر شي لاعب ما دارو فـ كاس افريقيا، ملي بدات المسابقة عام 1957، ونجح فـ انه يماركي فـ خمسة ديال الماتشات متابعين فـ كوب دافريك، بتسجيل 5 أهداف اللي متصدر بهم لاليست د الهدافين، وماركا هدفن على كل من جزر القمر وهدف على مالي وهدف على زامبيا هداشي فـ الكروبات، وفـ ثمن النهائي ماركا هدف على تنزانيا، وفـ ربع النهائي ماركا هدف على الكاميرون.
أما الناخب الوطني وليد الركراكي راه ولى اول مدرب كايقدر يحقق دومي فينال كاس العالم مع دومي فينال كاس افريقيا، ونفس الشي بالنسبة للمنتخب المنتخب المغربي اللي هو اول منتخب افريقي كايقدر يجمع بين دومي فينال المونديال ودومي فينال كاس افريقيا، ولكن راه المغاربة كاملين بمن فيهم الركراكي واللاعبين باغيين اللقب فـ هاد النسخة من الكان اللي منظمها المغرب.