جواد بادة ديال بيين سبورت ما نساش يبرد غدايد المغاربة فدراجي ويفكرو بالأسطورة إيكامبي

الوالي الزاز -گود- العيون ////
[email protected]

حقق المنتخب الوطني المغربي، مساء البارح الجمعة، تأهل مستحق آداء ونتيجة لنصف نهائي كأس أمم أفريقيا، باش يستعاد لماتش النصف ضد الفائز من نيجيريا والدزاير.

ماتش المغرب ضد الكاميرون على قناة “بيين سبورت” ما كانش ماتش واحد، بل كانوا جوج ماتشات؛ الأول كان بين أسود الأطلس والكاميرون، والثاني كان بين معلق الماتش المغربي جواد بادة والبعض من هادوك اللي حاطين راسهم من جانب واحد كأعداء للمملكة المغربية واللي من ضمنهم حفيظ دراجي.

المعلق المغربي جواد بادة اللي كان معلق على الماتش لم يفوت الفرصة باش يرد لدراجي واللي معاه الصرف، ودور ليهم ميستورا تحت الدف فكرهم بالكاميرون وماتش الإقصاء ديالهم بهدف الأسطورة إيكامبي.

جواد بادة فواحد المحاولة ديال منتخب الكاميرون قال فإطار تعليقو “حذاري” من بعد إستدرك وقال ما خاصش نقول حذاري ونعاودها فإشارة لهدف إيكامبي اللي باقي كيدور بتعليق معلق جزائري كيقول فيه “حذاري..حذاري. أو بابابا”، وهاد البيت هو اللي قصا الدزاير من التأهل لكأس العالم فقطر 2022 وهداك البيت ما بغاش يتسرط للدزايرين حتى لدابا.

جواد بادة لهجمة أخرى للكاميرون وفإطار الإشادة والثناء بالأداء الذي قدمه نصير مزراوي فمواجهة زميله فمانشستر يونايتد مبومو قال ” مبومو ميخوفش يا مزراوي عكس الاسطورة ايكامبي”،وهاد اللقطة كانت مقصودة وموجهة أيضا لحفيظ دراجي ومن هم على شاكلته، بحكم أن لقب الأسطورة اللي خدا إيكامبي مهاجم الكاميرون خداه من الجمهور المغربي اللي كان فرحان بيه ومازال يتداول إلى يومنا هذا.

جواد بادة فهاد الماتش برّد للمغاربة غدايدهم وأكيد حفيظ دراجي واللي وراه من اللوبي الدزايري فبيين سبورت ما غادي يعجبهم الحال أولا بسباب الميساجات اللي رسل عصام بادة وثانيا بسباب الرباح ديال المنتخب الوطني المغربي اللي كيساينو غير لحظة كبوة منو، علما أنهم كانوا حائرين واش يشجعو المغرب اللي حاقدين عليه ولا الكاميرون اللي  كارهينها بسباب ماتش.

ما نساوش أن حفيظ دراجي لا يفوت أي فرصة لإنتقاد المغرب خلال تعليقو على كأس أمم أفريقيا ودارها شحال من مرة فاش هدر على الجماهير والتنظيم وحاول تسويقهم بشكل سلبي دون أي مبرر.

إقرأ الخبر من مصدره