كسيدة مأساوية بسبب الثلج.. بنت فتركيا ماتت بعدما طاحت عليها كثلة كانت واحلة فوق دارها (فيديو)

وكالات//

لقاو شابة تركية ميتة فالرصيف قدّام الناس، من بعد ما طاحت عليها كتلة ديال الثلج من فوق سطح ديال واحد العمارة عالية، فإقليم بيتليس فشرق البلاد.

وكيبيّن واحد الفيديو متسجّل بكاميرا ديال المراقبة لحظات الحادثة الصادمة، ملي نزلت كتلة ديال الثلج من فوق سطح العمارة اللي فيها ثمانية ديال الطوابق وطاحت مباشرة على عائشة إيدير وطرحاتها للأرض، ومن بعد طاحت عليها كتلة كبيرة أخرى ديال الثلج.

وتسارعو الناس اللي كانو دايزين فالسكة باش يخرّجو الشابة من تحت الثلج، وجات فرقة ديال الإسعاف وقدّمو ليها الإسعافات الأولية ونقلوها للسبيطار، ولكن للأسف توفات.

Bitlis’in Tatvan ilçesinde Ayşe İder (21), 8 katlı binanın çatısında biriken kar kütlesinin üzerine düşmesi sonucu yaşamını yitirdi.

Karın çatıdan düşme anı güvenlik kamerasına yansıdı. pic.twitter.com/Hro8xDXJG7

— Cumhuriyet (@cumhuriyetgzt) January 7, 2026

وقالت وسائل إعلام تركية باللي البوليس حلّ تحقيق فهاد الحادث باش يعرفو واش كان شي إهمال اللي تسبب فهاد الواقعة ووفاة الشابة اللي عندها عشرين عام.

إقرأ الخبر من مصدره