وكالات//
دار واحد المحتج فالعاصمة الإيرانية طهران، نهار الثلاثاء، واحد الخطوة غريبة، ملي بدّل سميّة ديال واحد الزنقة وسماها باسم الرئيس الميريكاني دونالد ترامب.
وبارطاجاو بزاف ديال الصفحات فمواقع التواصل الاجتماعي فالساعات اللي فاتت فيديو كيبان فيه واحد المواطن معارض فطهران وهو كيلصّق واحد اللاصق فيه اسم الرئيس الميريكاني دونالد ترامب فوق لافتة ديال واحد الشارع، فخطوة رمزية دارت جدل كبير وخلاّت تفاعلات مختلفة داخل إيران وحتى براها.
ویدیوی منتشر شده در شبکههای اجتماعی نشان میدهد شهروندی معترض، با چسباندن یک پوستر، نام یک خیابان در تهران را به دونالد ترامپ، رییس جمهور ایالات متحده آمریکا، تغییر میدهد. pic.twitter.com/7vJgCx99fv
— ایران وایر (@iranwire) January 6, 2026
وجا انتشار هاد الفيديو فواحد الوقت اللي كتعرف فيه بزاف ديال المدن الإيرانية موجة ديال الاحتجاجات المتواصلة بسبب الوضعية الاقتصادية، وغلاء المعيشة، وهبوط قيمة العملة المحلية، مع تصاعد الشعارات السياسية وانتقادات قوية للسلطات. واعتبرو نشطاء باللي هاد الخطوة كتعبر على رسالة احتجاج سياسي غير مألوفة، وكتحمل دلالات كتفوت غير الجانب الرمزي ديالها، خصوصاً مع التوتر اللي كيزيد بين طهران وواشنطن.