كود سبور كازا ///
علمات “كود” من مصادر موريتانية موثوقة، باللي صامويل ايطو رئيس الاتحاد الكاميروني لكرة القدم جا للوطيل للي فيه أحمد ولد يحيى رئيس الاتحاد الموريتاني لكرة القدم باش يقدم ليه الاعتذار على تصرفاتو ومحاولة الاعتداء عليه خلال ماتش المغرب ضد الكاميرون قبل يومين بالمركب الرياضي مولاي عبد الله عن ربع نهاية كأس افريقيا للامم.
ايطو كيف عاينات “كود” كان تهجم على احمد ولد يحيى وبغى يعتادي عليه حيث اللعاب لسابق والرئيس الحالي للاتحاد الكاميروني فنيتو الخايبة باللي الحكم الموريتاني لماتش بلادو ضد الاسود جابو هاد الرئيس. شوفو الكلاخ.
قبل هاد التهجم، علمات “كود” باللي ايطو اتصل باحمد ولد يحيى 24 ساعة قبل الماتش وبدا يوجه ليه الاتهامات.
شفنا لوج المسؤولين ديال الاتحاد الافريقي برئاسة مونتسيبي كيفاش تعامل ايطو وكيفاش مشى فاللخر عند رئيس “الكاف” وزاد تشكى.
ايطو باش برد عاد عاق بتصرفاتو الطايشة. اعتاذر لاحمد ولد يحيى وكتب رسالة شكر لرئيس الجامعة الملكية المغربية لكرة القدم