القضية ديالها نوضات روينة فالبلاد.. البوليس شدو مرا فبريطانبا حينت كتوكل الحمام (فيديو)

وكالات//

واقعة ديال توقيف مرا وربطها بالمينوط فواحد الشارع فلندن وفرض غرامة مالية عليها دارت موجة ديال الجدل الكبير، من بعد ما تداوَل مقطع فيديو كيوثّق الحادثة، واللي وصفاتو منظمات كتهتم برفاهية الحيوان بأنه ’’مقلق بزاف‘‘.

وقالت جمعية «حماية الحياة البرية فـلندن» بلّي شرطة العاصمة وقفّات واحدة من المتطوّعات ديالها وهي كتطعّم الحمام فساحة ويلدستون بمنطقة هارو شمال غرب لندن، وأكدات أن حوالي 11 ديال البوليس شاركو فعملية التوقيف.

Meanwhile in Harrow England earlier

“She’s getting arrested for feeding the pigeons”

This can’t be real but it is – almost a Dozen officers arrest this Woman clearly non-threatening Lady.

Her crime?

She was feeding the birds on the High Street pic.twitter.com/6hpftDtPpR

— Concerned Citizen (@BGatesIsaPyscho) January 9, 2026

وبيّن فيديو تنشَر من طرف الجمعية فمواقع التواصل الاجتماعي المرا وهي كتتساق من طرف عدد من الضباط، وهاد الشي خلا الجمعية تندّد بتصرّف الشرطة، ووصفت اللي وقع بأنه “ظالم ومخزي”، وأكدات العزم ديالها باش تقدّم شكايات رسمية وتدير إجراءات قانونية إضافية.

وزادت الجمعية فبلاغ ديالها وقالت إن “الفيديو كيكشف على حادثة مقلقة بزاف، بحيث تم توقيف متطوّعة غير حيث كانت كتطعّم الحمام وكتعتاني به”، واعتبرت أن النشاط اللي كانت كتدير سلمي وما كيستاهلش هاد النوع ديال التعامل.

إقرأ الخبر من مصدره