وكالات//
حلات هيئة تنظيم الإعلام فبريطانيا، نهار الاثنين، تحقيق بخصوص منصة «إكس» ديال إيلون ماسك، باش تشوف واش الصور المفبركة ذات الطابع الجنسي اللي كينتجها روبوت الدردشة ديال الذكاء الاصطناعي «جروك» كتعني أن المنصة ما التزماتش بالواجب ديالها فحماية الناس فبريطانيا من محتوى يقدر يكون غير قانوني.
وقالت الهيئة فبلاغ ليها: «كاينين تقارير مقلقة بزاف على استعمال حساب روبوت الدردشة ديال الذكاء الاصطناعي جروك فـمنصة إكس، فصناعة ونشر صور ديال أشخاص عراة، واللي يقدر يتصنف كإساءة استعمال صور ذات طابع جنسي أو مواد إباحية، وحتى صور ذات طابع جنسي ديال أطفال، اللي ممكن توصل لدرجة الاستغلال الجنسي للأطفال».
وتتعرض الهيئة لضغوط باش تتحرك، من بعدما قال رئيس الوزراء البريطاني كير ستارمر إن الصور اللي خرجها جروك «مقززة» و«غير قانونية».