المغاربة خرجو يحتافلو البارح فباريس والبوليس مخلاوهومش يقربو من الشانزليزي (فيديو)

كود – باريس //

لبارح ناض شوية صداع ما بين بين البوليس والجماهير مغربية لي كانت خارجة تحتفل فـشارع الشانزليزي فباريس، بعدما المنتخب الوطني المغربي ربح نيجيريا وتأهّل لفينال كأس إفريقيا للأمم،
آلاف من المشجعين، أغلبهم من زماݣرية، خرجو محيحين هازين رايات ، كيغنّيو وكيهللو فالشارع اللي ولى نقطة تجمع مورا أي رباح رياضي كبير ، الاحتفالات ما بقاتش كلها نشاط ، حيث فيديوهات انتشرات فالسوشيال ميديا بينات البوليس منوضينها مع المغاربة لي خارجين ،واستعملو الكريموجين والعصا، واعتقلو عدد من المشجعين ، بعدما ولات الفوضى وتبلوكات الطريق وناض صداع بسباب روينة لي دارو.

حسب وسائل إعلام فرنسية، السلطات كانت دايرة من قبل قرار كيمنع يتجمعو الجماهير فالشانزليزي، بزاف من المشجعين قالو ما كانوش على بال بهاد القرار، وخرجو غير بنيّة النشاط والفرحة مع باقي المغاربة ،الزحام والفوضى والتدخل الأمني خلاو الوضع يترون، خصوصاً مني البوليس زلعو الكليكات ، الشي اللي خلّى صداع يكبر وسط المشجعين لي مابغاتش تنسحب فحالها.

https://www.leparisien.fr/sports/cest-la-premiere-

fois-que-je-pleure-malgre-linterdiction-des-milliers-de-supporters-du-maroc-sur-les-champs-elysees-15-01-2026-N25BZPRCQ5B2FHP2EZJMCNWMZI.php

إقرأ الخبر من مصدره