وزير الصحة د ميريكان حط الرئيس ترامب فموقف محرج بسبب الريجيم الغذائي ديالو (فيديو)

وكالات//

أثار روبرت كينيدي جونيور، وزير الصحة والخدمات الإنسانية، بزاف ديال التساؤلات على النظام الغذائي ديال الرئيس الأمريكي دونالد ترامب، فمقابلة دارت فبودكاست للي كتقدمو كاتي ميلر.

ومن بعد ما تسول على شكون عندو “أكثر عادات غذائية ما معقولاش”، جاوب كينيدي جونيور وذكر اسم ترامب، وقال: “ما عرفتش كيفاش مازال عايش حتى لدابا”.

RFK Jr. on Trump:

“He eats really bad food, which is McDonald’s, and candy and Diet Coke. But he drinks Diet Coke at all times. He has the constitution of a deity. I don’t know how he’s alive…He’s just pumping himself full of poison all day long. » pic.twitter.com/l4iHnlTkiE

— Republicans against Trump (@RpsAgainstTrump) January 14, 2026

وشرح بأن الرئيس كياكل بزاف ديال الماكلة السريعة بحال ماكدونالدز وكنتاكي فرايد تشيكن، وكيسرب دايت كوك ملي كيكون مسافر، ولكن فاش كيكون فالبيت الأبيض ولا فمارالاغو كيتبع نظام غذائي مزيان، وأكد باللي صحتو ممتازة.

وزاد كينيدي جونيور وقال بأن ترامب عندو نسبة عالية ديال هرمون التستوستيرون، وهاد الشي نادر عند راجل فات السبعين عام، حسب تصريحات الدكتور محمد أوز، مدير مراكز خدمات الرعاية الطبية. وختم كينيدي جونيور بالقول: “الرئيس نشيط بزاف، رغم العادات الغذائية اللي كيبانو لشي ناس غير صحية خصوصاً فاش كيكون مسافر”.

إقرأ الخبر من مصدره