كود سبور //
انتشرت ف سوشل-ميديا تصاور وفيديوات كتبيّن احتكاكات وأعمال عنف وقعات مورا نهاية ماتش كأس إفريقيا، اللي جمع بين المنتخب المغربي والسنغال، ومن بين اللقطات اللي شدّات انتباه المتابعين، كيبان واحد من مجموعة المشجعين السنغاليين المعروفة بتشكيلها لكلمة S-E-N-E-G-A-L على صدرها، وبالضبط مول حرف “A” لي هاز الحديد وبان كيتعدى على وكيضرب مع صحابو
هاد السنغالي كان وجهو ملوّن فالفيديوهات، الشي اللي خلا التعرف على ملامحو صعيب فلول، ولكن ايلا رجعنا للأرشيف الصحفي المنشور قبل هاد الأحداث، كيبان أن هوية حامل حرف “A” سبق تهضر عليه فعدد من المنابر الإعلامية السنغالية والدولية.
حسب تقرير صحفي تنشر فـ7 يناير 2026 بموقع Dsports.sn، مول حرف “A” هو واحد اسمو سامبا غانا سيك، خدام فتبنايت، وساكن فحي كامبيرين بالعاصمة داكار، وعضو فمجموعة “السبع حروف” من 2004، نفس المعطيات تطرّق ليها موقع RFI فمقال سابق، اللي عرض صور قديمة للمجموعة بلا صباغة، وكتبيّن الأعضاء بملامحهم الطبيعية.
Grand reportage – Torse nu pour la patrie : quand le S.E.N.E.G.A.L s’écrit en chair et en peinture
https://www.rfi.fr/fr/afrique-foot/20220201-can-2022-s-e-n-e-g-a-l-l-histoire-des-7-lettres-qui-supportent-les-lions?fbclid=Iwb21leAPciphjbGNrA9yKlmV4dG4DYWVtAjExAHNydGMGYXBwX2lkDDM1MDY4NTUzMTcyOAABHnpRdgu8KTk5WxsV3StEhDNuMk8Z5gtrHShOycM_aBjDn216KrKF6f2H1ORB_aem_dIN7slONfwHFbHncLmAKeg