كود – وكالات //
” رامي يوسف الدهش “ولا معروف فمواقع التواصل الاجتماعي عند سوارا، من بعد ما تنشر فيديو كيبان فيه وهو شاد ”ضفيرة “ديال مقاتلة كردية تقتلات فاشتباكات عسكرية , هاد اللقطة خلّات صدمة كبيرة خصوصا وسط الأكراد ، اللي شافو فيها إهانة كبيرة لكرامة المرأة الكردية ورموزها الثقافية.
الفيديو خلا حملة كبيرة تطلق ديال التضامن وسط العيالات الكرديات، شاركات فيها إعلاميات وناشطات معروفات ،الحملة ركّزات على الضفيرة كرمز ديال القوة والهوية عند المرأة الكردية لي كتميز بها.
صور رامي الدهش مع عائلته… الذي قص جديلة المقاتلة الكردية بعد قتلها…
رامي يوسف الدهش من تل أبيض من قرية البديع التي تقع 5 كم جنوبي تل ابيض على طريق الرقة بعد عين العروس ..من عشيرة المشهور ومقيم بين مدينة اورفا في تركيا وتل ابيض .. يرجى النشر. pic.twitter.com/kq3n3gPNjg
— Eng Malek Omar (@EngMalek_Omar) January 23, 2026
حسب وسائل إعلام كردية، المقاتلة اللي باينة فالفيديو كتنتمي لـ “وحدات حماية المرأة” (YPJ). ومن بعد ما تبيّنات هوية رامي يوسف الدهش، خرجات معطيات كتقول منين وهو وشكون وانه سبق ليه كان منخرط مع “جبهة النصرة”، حسب معلومات متداولة .
من بعد ما حس بالصهد خرج” الدهش “ودار تبريرات غبية للتصرّف ديالو، وقال بلي هداك غير شعر اصطناعي ماشي حقيقي ، نشطاء أكراد قالو باللي التنكيل بجتة المقاتلة ماشي اعتداء على شخص واحد، ولكن رسالة كراهية واضحة ضد كرامة المرأة الكردية المقاتلة .