مصطفى الشاذلي – كود سبور///
دازت حتى لدابا سيمانة على فينال “الكان” اللي عرف أحداث صعيبة ومؤسفة، قبل ما يرجع اللقب فالآخر للسنغال، بعد ما ضيع المغرب بيلانتي خلق فوضى كبيرة فالملعب وفالمقاعد فللحظة للي احتسابها الحكم.
القصة كيعرفها الجميع. أسود “التيرانغا” رفضو يقبلو ركلة الجزاء اللي تحسبات لإبراهيم دياز، وانسحبو معظم اللاعبين من التيران لغرف الملابس بناء على تعليمات المدرب ديالهم، بابي تياو، قبل ما يرجعو وسط أحداث شغب داروها جماهير السنغال.
وسط هاد الفوضى، اللي شد الانتباه بزاف كانت المشادات الكلامية اللي وقعات بين وليد الركراكي، مدرب المنتخب المغربي، وبابي تياو، مدرب السنغال. هاد المشادات كانت ف لحظة دقيقة، قبل ما يمشي دياز لنقطة الجزاء ويضرب البيلانتي بطريقة “بانينكا”، ويضيع اللقب.
الإعلام بعد هاد المدة رجع للقطة الركراكي وتياو. دقق فالهضرة اللي دارت بيناتهم واللي خلا بزاف الناس يتساءلو آش كالو لبعضياتهم. الفيديو الموثق لهاد اللحظة فك شفرة الحوار بين المدربين.
واللي دار فيها أن المدرب المغربي قصد تياوي وكال ليه “لا، بللاتي يا بابي”.
فأجاب بابي ثياو: “لا، لا، لا، هادشي للي وقع ما كانش طبيعي”. من بعد لح وليد باش يكمل نعاه الهضرة، وقال ليه على احتجاج أسود التيرانغا بالقول “وهاذ الشي للي دارو طبيعي؟”.
وحاول المدرب السنغالي يذكر بالهدف ديال فريقو للي تلغى قبل ركلة الجزاء مباشرة، بدعوى وجود خطأ على أشرف حكيمي. ورد عليه الرطراكي، فإشارة إلى الحكم: “ولكن راه صفر قبل ذلك”.
النقاش وقف فجأة بعدما انسحب تياو، ومن بعد دقائق من التوتر، رجع ساديو ماني وزملاؤه للملعب وقنعوهم باش يكملو الماتش، والنتيجة اللي عارفها كلشي.. هدف بابي غي فالوقت الإضافي حسم لقب كأس الأمم الإفريقية للسنغال.
https://x.com/D_LA_SEQUENCE/status/2014773688260804738?ref_src=twsrc%5Etfw%7Ctwcamp%5Etweetembed%7Ctwterm%5E2014773688260804738%7Ctwgr%5Eded559d96b687ed04ff3676f9a115926459e66f6%7Ctwcon%5Es1_c10&ref_url=https%3A%2F%2Fwww.sports.fr%2Ffootball%2Fcan%2Fsenegal-maroc-des-images-inedites-du-chaos-984935.html