كأس الكاف: الوداد حققو رباح مهم على مانييما وهربو بالصدارة

كود سبور//

انفرد الوداد الرياضي بصدارة المجموعة الثانية من كأس الكونفدرالية الإفريقية، بعدما ربح اليوم الاحد فريق مانييما من الكونگو الديمقراطية، فستاد دونور بالدار البيضاء ضمن الجولة الثالثة من دور المجموعات.

وسالا الماتش بين الوداد الرياضي ومانييما بنتيجة واحد لزيرو لمصلحة الفريق الأحمر، اللي تسناو حتى للدقيقة 79 فين قدرو يماركيو الهدف ديال الرباح بواسطة محمد موفيد، بعدما ضيعو بزاف ديال الفرص وكانو يقدرو يخرجو رابحين بكثر من واحد لزيرو، لولا قلة التركيز والتسرع قدام مرمى الخصم.

الماتش عرف أيضا مشاركة مجموعة من اللاعبين الجداد اللي جابهم فالميركاتو الشتوي الحالي، من بينهم حكيم زياش اللي لعب حتى الدقيقة 75، قبل ما يخرج ويدخل فبلاصتو وسام بنيدر.

وبهذه النتيجة خداو الوداد الرياضي 3 نقاط مهمة، عزز بها الفريق الأحمر صدارة المجموعة الثانية برصيد 9 نقاط، وبعد على مانييما اللي بقاو فالمركز الثاني برصيد 6 نقاط، وعزام التنزاني عندهم 3 نقاط، ونيروبي الكيني عندهم 0 نقط.

إقرأ الخبر من مصدره