گود سبور//
ما تقبلوش الاتحاد السنغالي لكرة القدم، ان اسطورة السنغالي يعبر على الموقف ديالو الشجاع ويدافع عن المغرب ضد الحملة المغرضة اللي تعرض لهاظ فنهائي كاس افريقيا، ومحاولات التشويه للاستضافة التاريخية والخدمة الكبيرة اللي دارها المغرب من شي أطراف اللي كان كايعتبرهم المغرب خوت بحال السنغال.
وخرج تاني الاتحاد السنغالي برئاسة عبد الله فال بواحد البلاغ مثير للجدل وهاجمو فيه حاجي ديوف حيث دافع على المغرب، وقالو: “بخصوص مواقف الأفراد بشأن إدارة كرة القدم الدولية والأحداث الجارية فالهيئات الرياضية الدولية، فإن الاتحاد السنغالي لكرة القدم كايعلن بوضوح بأنه ما غايجاوبش عليها، وان السياسة الدولية ديال الاتحاد السنغالي كاتحدد من قبل لجنتو التنفيذية، ويُعبر عنها من خلال رئيسو أو المتحدثين الرسميين باسمه، مع الالتزام التام بالبروتوكول الدبلوماسي وعلاقات حسن الجوار مع المنظمات الشقيقة”.
حاجي ديوف أسطورة السنغال، ما قال والو فيه العيب، من غير انه عبر على الرأي ديالو بلي ما عجبوش الحال على داكشي اللي وقع ملي سالا كاس افريقيا، وتبادل الاتهامات، واشاد بتنظيم المغرب لكاس افريقيا، وقال ايضا بلي ما عجبوش حتى داكشي اللي وقع د محاولة انسحاب السنغال من النهائي.