بلا حتى شي معدات دالسلامة.. مغامر ميريكاني تعلق فأعلى ناطحة سحاب (فيديو)

وكالات//

قدر المتسلق الأمريكي أليكس هونولد يوصل لقمّة ناطحة السحاب تايبيه 101 بلا حبال وبلا شبكة ديال الأمان، نهار الأحد، وسط تشجيع وهتافات ديال الآلاف من المتفرجين اللي كانو كيشيرو ليه وهو كيتسلق واحد من أطول البنايات فالعالم.

وقال هونولد ملي وصل لقمّة البرج، اللي هو أطول مبنى فتايوان، من بعد تسلّق “حر منفرد” دام 91 دقيقة، واللي تنظم وتبث مباشرة من طرف نتفليكس: “كان رائع‘‘.

American climber Alex Honnold, 40, reached the top of Taipei 101 in just 1 hour and 31 minutes, making history on this 1,667 foot tall building that ranks 11th in the world

pic.twitter.com/m7sOQzh4yJ

— Tansu Yegen (@TansuYegen) January 25, 2026

وأضاف فتصريح للصحافة من بعد هاد المهمة، اللي تأجلات نهار واحد بسبب الطقس الرطب: “هاد الطريقة زوينة بزاف باش تشوف تايبيه”، حسب وكالة ’’رويترز‘‘.

ومبنى تايبيه 101، اللي العلو ديالو 508 متر، كيسيطر على أفق المدينة وكيعتبر معلم سياحي مهم، وكان أطول مبنى فالعالم ما بين 2004 و2010، قبل ما ياخذ هاد اللقب دابا برج خليفة فدبي.

عملية التسلق دارت بلا حتى معدات ديال السلامة، ولكن كانت بإذن ودعم كاملين من إدارة تايبيه 101 وحكومة المدينة. وقال هونولد حتى أنه فشي وقت من قبل فكّر يتسلق البناية بلا إذن.

إقرأ الخبر من مصدره