وكالات//
قالت لجنة تحقيق رسمية فالصبليون بللي واحد القضيب ديال السكة مهرس يُرجح يكون هو السبب المحتمل فكسيدة التران الخطيرة اللي وقعات فجنوب إسبانيا.
فهاد الكسيدة اللي وقعات نهار الأحد اللي فات فالعشية، مات فيها 45 واحد من بعد ما تصادمو جوج ديال القطارات السريعة حدّ بلدة أداموز فإقليم قرطبة فالأندلس، وتصابو أكثر من 120 شخص، شي منهم حالتهم خطيرة.
Firefighters and police officers were seen inspecting the wreckage of damaged trains on Wednesday, January 21, near Adamuz in the southern Cordoba province in one of Europe’s worst train accidents.
Rescuers at the Adamuz crash site found another body, increasing the death toll… pic.twitter.com/P7pyxRDXGW
— GMA Integrated News (@gmanews) January 21, 2026
العربات اللّخرين ديال تران تابع لشركة “إيريو” خرجو على السكة ديالهم ومشاو للسكة اللي حدّها.
ومن بعد تصادم معاهم قطار آخر تابع لشركة “رينفي”، وهاد الشي خلاه يخرج حتى هو من السكة بسرعة كانت كتفوت 200 كيلومتر فالساعة.
وأكدات لجنة التحقيق الإسبانية فحوادث السكك الحديدية، فالتقرير الأولي ديالها اللي خرج نهار الجمعة، أنهم لقاو تشققات فسطوح دوران عجلات قطار شركة “إيريو‘‘.
وزاد التقرير، اللي نشرتو وزارة النقل، بلّي هاد التشققات ومعاها الإعوجاج اللي تلاحظ فالقضبان كيبينو بلّي واحد القضيب كان مكسور فعلاً قبل ما يدوز عليه قطار “إيريو” ويخرج على السكة.