گود سبور//
من المنتظر يكون الجديد من هنا لشوية قرارات اللجنة التأديبية التابعة للاتحاد الافريقي لكرة القدم، فملف انسحاب السنغال من فينال كاس افريقيا قبل أيام امام المنتخب الوطني المغربي فتيران مولاي عبد الله بالرباط.
وحسب ما توصلت به “گود” من معلومات، فمن المنتظر تصدر قرارات اللجنة التأديبية للاتحاد الإفريقي لكرة القدم خلال اللحظات المقبلة، ومن بين الخيارات المطروحة وبقوة لدى اللجنة سحب لقب كاس افريقيا 2025 من منتخب السينغال، اللي اللاعبين ديالو انساحبو من الماتش بعد إعلان الحكم بينالتي للمغرب، وخرجو كاملين من التيران إلا ساديو ماني اللي وصل عليهم من بعد باش رجعهم يكملو اللعب.
وكاينة حتى عقوبات قاصحة كاتسنى مدرب السنغال بابي ثياو اللي حرض لاعبين المنتخب السنغالي على الانسحاب وايضا شي لاعبين سنغاليين غادي يتعاقبو اضافة للمنتخب السنغالي والاتحاد السنغالي لكرة القدم.