وكالات//
روّج الرئيس الأمريكي دونالد ترامب فوسائل التواصل الاجتماعي للفيلم الوثائقي الجديد ديال السيدة الأولى ميلانيا ترامب، وشجّع الناس يحجزو التذاكر قبل ما تسالي.
ونشر ترامب نهار 26 يناير فـمنصة “إكس” وقال: ’’فيلم ميلانيا فيلم ما خاصّوش يتفوت. حجزو التذاكر ديالكم دابا – راه كيتباعو بسرعة!”، وزاد رابط ديال شراء التذاكر فالقاعات السينمائية اللي مشاركين.
الفيلم كيهضر على العشرين يوم اللي سبقو تنصيب ترامب سنة 2025، من وجهة نظر ميلانيا، وكيركّز على الاستعدادات ديال العائلة باش يرجعو للبيت الأبيض. توزيع الفيلم دايراه شركة أمازون، وهو أول عمل لشركة الإنتاج السينمائي الجديدة ديال السيدة الأولى “ميوز فيلمز”، اللي علنات عليها فشهر نونبر اللي فات.
MELANIA, the Movie, is a MUST WATCH. Get your tickets today — Selling out, FAST!
Photo: Regine Mahauxhttps://t.co/rjwd5Appkv pic.twitter.com/vFpXfV0Mg0
— Donald J. Trump (@realDonaldTrump) January 26, 2026
الفيلم من إخراج بريت راتنر، مخرج سلسلة أفلام “ساعة الذروة”، اللي كان واجه اتهامات بالاعتداء الجنسي فـ2017، ولكن ما توجهات ليه حتى شي تهمة جنائية.
وغادي يتعرض الفيلم فدور السينما، وغادي يكون متوفر كذلك فالبث عبر منصة أمازون برايم فنفس النهار، 30 يناير. وكاين حتى عرض خاص مبرمج نهار الخميس 29 يناير فمركز كينيدي فواشنطن، اللي تعاود تسمّى مؤخراً مركز ترامب-كينيدي. وزادت ميلانيا ترامب دارت عرض آخر فالبيت الأبيض نهار السبت 24 يناير، بحضور فريق العمل وعدد من الشخصيات الإعلامية والفنية.