وكالات//
كتخطّط النجمة العالمية أنجلينا جولي تغادر الولايات المتحدة من بعد سنين عاشتها فلوس أنجلوس، وبدات بالفعل كتفكّر تبيع الدار التاريخية ديالها اللي شراتها عام 2017 بـ24.5 مليون دولار. وكيجي هاد القرار فرغبتها تلقى خصوصية وأمان أكثر لولادها الستة من بعد الانفصال ديالها على براد بيت.
وقالت جولي لمجلة “هوليوود ريبورتر” فغشت 2024: “ملي كيكون عندك عائلة كبيرة، كتبغي ليهم الخصوصية والهدوء والأمان… غنقدر نغادر غير ملي ولادي يوصلو لـ18 عام”. وزادت بلي غتقضي وقت كبير فكمبوديا، فين عندها دار ومحمية طبيعية، وكتعتبرها الوطن ديالها “فالقلب ديالها‘‘.
وفالفترة الأخيرة كانو كاينين تكهنات على صعوبات مالية كتواجهها أنجلينا جولي، من بعد ما باعت الشقة ديالها فنيويورك، وكاينين نزاعات قانونية مع براد بيت على ضيعة “ميرافيل”، وزيد عليها خسائر مالية تسجلات فالمؤسسة الخيرية “جولي-بيت”، رغم أن الأصول ديالها فاتت 1.6 مليون دولار. وكاتواجه حتى تحديات قانونية بخصوص العلامة التجارية ديالها “أتيليه جولي‘‘.