الاتحاد الأوروبي بدا تحقيق ضد “گروك” ديال إيلون ماسك بسبب تصاور إباحية مخدومة بالذكاء الاصطناعي

كود – وكالات //

علنات المفوضية الأوروبية نهار الاثنين 26 يناير على فتح تحقيق رسمي ضد برنامج الذكاء الاصطناعي “غروك”، اللي طوّراتو شركة xAI ديال إيلون ماسك وكيستعمل فشبكة التواصل الاجتماعي X  بسبب إنتاج ونشر صور عريانة ماشي ديال بصح .

هاد التحقيق جا بعدما تبيّن باللي كاينين صور وفيديوهات فيها محتوى جنسي بالعلالي و فيه عنف ، وكيبان فيها قاصرين وعيالات، نخدمو  باستعمال الذكاء الاصطناعي وتنشرو فوق منصة X .

ريجينا دوهيرتي، نائبة فالبرلمان الأوروبي، قالت باللي فتح هاد التحقيق خطوة مهمة، ووضحات بلي اي استعمال للذكاء الاصطناعي كيضر بالعيالات ودراري  خاصو يتواجه بعقوبات  قاصحة.

كيهدف هاد التحقيق يعرف واش شبكة X وشركة xAI خرقو القواعد الرقمية ديال الاتحاد الأوروبي، اللي كتفرض على المنصات تحمي المستخدمين من المحتوى غير القانوني، خصوصاً وأن الشركتين ولات عليهم مراقبة وتشديد كبيرين دولياً.

إقرأ الخبر من مصدره