گود سبور//
قال بابي ثياو مدرب السنغال للسنغاليين بلاما يجمعو له فلوس الغرامة اللي ضرباتو بها لجنة الانضباط فالاتحاد الافريقي لكرة القدم، كعقوبة له على البلطجة اللي دار فالفينال ديال كاس افريقيا امام المنتخب المغربي ملي خوض اللاعبين السنغاليين ينسحابو حيث الحكم اعلن على بينالتي ضدهم، وباينة هادي تاني تمثيلية جديدة منهم حيث ما تدارت حتى حملة باش يجمعو له فلوس الخطية.
وخرج بابي ثياو ورسالة على انستغرام بعدما صدرت عليه عقوبة التوقيف لمدة 5 الماتشات و 100 ألف اورو، وقال: “يا شعب السنغال، يا عائلتي، تضامنكم معيا ملي صدرت العقوبات مؤثر فيا بزاف شكراً لكم على الحب اللي عطيتوني”.
وكمل المدرب السنغالي وقال: “عفاك وبكل تواضع كانشكرم بزاف على حملات جمع التبراعات بسميتي، كانقدر هذا الشي ولكن بغيتكم تجمعو عاد لفلوس للناس اللي محتاجين لهم كثر مني”.