وكالات//
قرّرات أكبر صالات السينما فجنوب أفريقيا تحيّد فيلم وثائقي كيهضر على السيدة الأولى ديال الولايات المتحدة، ميلانيا ترامب، قبل ما يتعرض، بسبب اعتبارات قالو عليها مرتبطة بـ”المناخ الحالي”، حسب ما ذكّرات وسائل إعلام محلية.
وقال موقع “نيوز24” نهار الأربعاء إن شركة “فيلم فينيتي” اللي كتوزّع الفيلم فجنوب أفريقيا، سحباتو بشكل مفاجئ من العرض.
وقبل العرض العالمي الأول ديالو الخميس، ما بقاش الوثائقي باين لا فالموقع الإلكتروني ديال سينما “نو ميترو” ولا “ستار كينيكور”، وهما أكبر جوج شبكات ديال القاعات السينمائية فالبلاد.
وصرّح مدير التسويق فالشركة الموزّعة، ثوباشان غوفينداراجولو، لموقع “نيوز24” وقال:
“نظراً للمناخ الحالي، الفيلم ما غاديش يتعرض فالقاعات” فجنوب أفريقيا، بلا ما يعطي تفاصيل أكثر على الأسباب.