المغاربة ما كاينساوش عمقهم الإفريقي وكل من ساهم معهم فالنجاح: السفير المغربي فالكونگو الديمقراطية استقبل المشجع لومومبا وكرمو بعد اللمسة اللي عطاها الكان 

گود سبور//

دار المغرب من خلال السفير ديالو بالكونگو الديمقراطية، مبادرة زوينة تجاه المشجع الكونگولي الملقب بباتريس لومومبا.

واستقبل رشيد أگاسيم سفير المغرب بدولة الكونگو الديمقراطية، المشجع الكونگولي المعروف بلقب لومومبا، واللي كان تشهر فكاس إفريقيا “المغرب2025″، وكرمو بمقر سفارة المغرب بالعاصمة الكونگولية كينشاسا، وحسب المشجع الكونگولي لومومبا فالسفير المغربي عطاه توني ديال منتخب الزيير (الكونگو الديمقراطية حاليا) باش لعبو مونديال 1974، وهذا الشي اعتبرو المشجع فال زوين باش يتأهلو من الملحق لكاس العالم 2026.

هذه المبادرة عندها دلالات كثيرة، وكاتبين ان المغرب ديما متشبث بالعمق ديالو الافريقي، خصوصا وان شخصية بحال باتريس لومومبا الزعيم الكونگولي والأفريقي عندو مكانة رمزية بالمغرب ومسمين عليه شوارع بالمدن المغربية، إضافة إلى ان هذا المشجع باقتماصو لهاد الشخصية وإدخالها للتيران عطى اضافة فالمدرجات لكاس أفريقيا بالمغرب حتى ولى اشهر مشجع فالكان.

إقرأ الخبر من مصدره