گود سبور//
واحد الفئة فالسنغال ما كاتهمها والو من غير انها تربح الألقاب د الكورة بالضسارة، وهذا الشي كاينطبق على مسؤولين الكورة والرياضة عندهم فالبلاد، واللي مازال كايحتافلو بكاس افريقيا.
اليوم الجمعة تدار حفل بالعاصمة السنغالية دكار احتفالا بالتتويج المشوه ديال منتخب السنغال بكاس أفريقيا 2025، واللي العالم كامل شاف كيفاش ربحوه بلا أخلاق ولا روح رياضية.
الحفل تدار فتيران ليوبولد سيدار سنگور، وحضروه مسؤولين رياضيين وحكوميين فالسنغال، وعلى راسم وزيرة الشباب والرياضة السنغالية خدي گاي، وبحضور رئيس الاتحاد السنغالي لكرة القدم عبد الله فال اللي قاد حملة عدائية ضد المغرب مع أعداء المملكة باش يربح كاس افريقيا صحا، وكان حاضر معهم المدرب السنغالي المشرمل بابي ثياو اللي حتى هو كان من ابطال هذه الحملة بالندوة الصحافية اللي كانت قبل النهائي، وبتحريض اللاعبين د منتخبو على الانسحاب من الفينال ملي الحكم اعلن على بينالتي لمصلحة المنتخب الوطني المغربي.