كود سبور //
عيّنات الجامعة الملكية المغربية ديال الكيك بوكسينغ والمواي تاي والصافات مصطفى لخصم، البطل العالمي السابق، رئيس للجنة ديال الاحتراف فخطوة جديدة باغية بها تطوّر الرياضات القتالية فالمغرب.
هاد التعيين جا اعتماداً على التجربة الكبيرة ديال لخصم فالحلبات الدولية والمسار ديالو اللي عامر بالألقاب، واللي خلاتو اسم معروف فالعالم ديال القتال، الجامعة كتراهن عليه باش يعطي نفس جديد للاحتراف وينظّم القطاع بطريقة أحسن.
ومن المنتظر يشرف مصطفى لخصم على تنظيم النزالات الكبرى، والدفاع على حقوق اللاعبين، وفتح آفاق واضحة للاحتراف قدّام الأبطال المغاربة اللي باغيين يشقّو طريقهم عالمياً.
الخطوة كتبيّن حتى التوجّه ديال الجامعة باش تشرك الأبطال السابقين فالتسيير والتأطير، وهاد الشي غادي يساهم فتعزيز صورة المغرب كقوة وازْنة فالرياضات القتالية على الصعيد الدولي.