كود – عثمان الشرقي //
مات الفنان المغربي الكبير عبد الهادي بلخياط، مول الصوت الرْخيم والفْن العْظيم لبارح السبت فالسبيطار العسكري فالرباط ،عبد الهادي بلخياط من مواليد مدينة فاس سنة 1940، كيتعتابر واحد من الركايز ديال الأغنية المغربية وموسيقار بفضل تجربتو الطويلة واغانيه لي كل وحدة كتنسيك فالاخرى .
ومن بين أشهر الأعمال الفنية اللي بصمات مسيرتو كنلقاو ، البوهالي ، يا داك الانسان، قطار الحياة ، شوفو الهوى ما دار فيا ، يا بنت الناس ،كيف ما دار حتى ثلاث تجارب سينمائية، لولا سنة 1973 بعنوان «سكوت.. اتجاه ممنوع»، والثانية «دنيا غرامي» فلبنان، والثالثة سنة 1979 بعنوان «أين تخبئون الشمس»، وشارك فيها مع مجموعة من الممثلين المصريين.
بموت عبد الهادي بلخياط، كتفقد الساحة الفنية المغربية واحد من رموزها الكبار، لي غا يبقى لاصق فالداكرة المغربيبة بفضل اغانيه لي كانت كتهضر على الحب والبضاض والحياة واللي مكانتش كتخطى حتى بلاصة سوا بحضورها فالاداعة المغربية او بمشاركة الفنان فعدة دول وملتقيات فنية عالمية الشي لي كيخليها عبد الوهاب الدكالي ضاهرة فنية شرفات اسم المغرب .