كود سبور//
رجع الناخب الوطني وليد الركراكي للخدمة ديالو، بعد أيام على خسارة نهائي كأس إفريقيا “المغرب2025”.
وبدا وليد الركراكي والطاقم ديالو خدمتهم اليوم الاثنين بمركز محمد السادس لكرة القدم، استعدادا للمرحلة المقبلة وباش يوجدو المنتخب الوطني المغربي لكاس العالم، وأقرب محطة اعدادية غاتكون بجوج ماتشات ودييين خارج المغرب فمارس الجاي.
وكان الركراكي والطاقم ديالو واخدين عطلة من ورا كاس افريقيا، باش يرتاحو من لعيا ديال المسابقة والأجواء المشحونة اللي كانت مع نهايتها خصوصا بعد خسارة اللقب بطريقة صعيبة وما زويناش قدام السنغال.