وكالات //
دانت هيئة محلّفين فولاية نيفادا الأمريكية نهار الجمعة الممثل “ناثان تشاسينج هورس”، اللي كان شارك ففيلم “الرقص مع الذئاب”، بتهمة الاعتداء الجنسي على قاصر.
ولقاو المحلفين فمدينة لاس فيغاس باللي تشاسينج هورس مذنب فعدة تهم مرتبطة بالاعتداء الجنسي، ولكن فالمقابل تبرّأ من تهم أخرى ديال اعتداء جنسي.
وأكد تشاسينج هورس باللي هو بريء من جميع الـ21 تهمة، ومحامي الدفاع ديالو قالو باللي متّهم بالخطأ.
وقالو ممثلو الادعاء إن تشاسينج هورس استغل السمعة ديالو كرجل طب تقليدي وسط شعب “لاكوتا” من السكان الأصليين باش يستغل نساء وبنات من السكان الأصليين.
وتركزات بزاف ديال الأحكام اللي خرجات بها هيئة المحلفين على السلوك ديالو مع واحدة من الضحايا، اللي كان عندها 14 عام ملي بدا كيعتدي عليها.