گود سبور//
فشلت صفقة انتقال الدولي المغربي يوسف النصيري من فنربخشة التركي إلى اتحاد جدة السعودي.
وأعلن فنربخشة فبلاغ له أن الصفقة التبادلية ديال يوسف النصيري مع الفرنسي نگولو كانتي مع اتحاد جدة السعودي، فشلت، واخا الأطراف كاملين اتافقو واللاعبين دوزو الفحص الطبي، ولكن النادي السعودي دارو شي غلط فالتسجيل من عندهم.
وزاد وضحو فنربخشة أنهم واخا هذا الشي مشاو طلبو من الاتحاد الدولي لكرة القدم مهلة باش يكملو الصفقة حيث الميركاتو الشتوي سد فالسعودية، وخداو هذه المهلة، ولكن اتحاد جدة ما كملوش الصفقة وما بقاوش ردو عليهم.