گود سبور//
حدد الوداد الرياضي موعد السفر ديالو إلى كينيا، باش يلعب الجولة الخامسة من دور مجموعات كأس الكونفيدرالية الأفريقية ضد نيروبي الكيني.
وغادي يسافرو الوداد الرياضي إلى كينيا الجمعة الجاية فرحلة ما غاديش تكون مباشرة، انطلاقا من مطار محمد الخامس بالدار البيضاء مرورا بمطار شارل ديگول فباريس ومن تماك لمطار نيروبي الكينية، وتقريبا غادي يديرو 13 ساعة ديال الطيران.
الرحلة ديال الوداد إلى نيروبي غادي تعرف سفر النجم حكيم زياش مع الفريق الأحمر، بعدما غاب على رحلة الفريق اللي فاتت إلى الكونگو الديمقراطية لمواجهة مانييما، وعرفت خسارة الفريق الأحمر بواحد لزيرو، ودابا الواك باغيين يرجعو بالرباح من نيروبي فالماتش ضد نيروبي يونايتد الاحد الجاي لحسم التأهل إلى ربع نهائي كأس الكونفيدرالية، قبل الجولة الأخيرة من دور المجموعات.