كود كازا ////
الموت خطف الممثل والمخرج السينمائي محمد عهد بنسودة وعمرو 57 سنة. واحد من الوجوه السينمائية فبلادنا. ولد فاس قرا الادب الفرنسي قبل ما يقرا السينما فباريس. لقراية كتعاون بزاف ولكن الميدان كيعلم كثر. هاد الشي اللي دار بنسودة. دخل وبدا مرحلة اخرى من الدراسة. هاد المرة تطبيقية فالانتاجات العالمية وتعلم الحرفة ودخل للتمثيل والاخراج. بدا هاد التجربة ديال الاخراج بفيلم “موسم لمشاوشة” ف2009 ومن بعد 5 سنين دار فيلم “خلف الابواب المغلقة” وفيلم “البحث عن السلطة المفقودة”.
هاد السينمائي العاشق للفن السابع جا للتلفزيون ودار مسلسلات بحال “مستر سنسور” و”الصك وغنيمة” و”عين الكبريت”
بنسودة كان ممثل مزيان. دار ادوار فعدد من الافلام.
عشق السينما والفن وكان متواضع ومحبوب
