كود سبور//
كايبان أن الإسبانيين فبرشلونة، ما غاديش يتنازلو للمواطنين ديالهم فمدريد على حق الترشح لاستضافة نهائي كأس العالم 2025، مع المغرب ضمن الملف الثلاثي لتنظيم البطولة بين اسبانيا والمغرب والبرتغال، وحتى لدابا كاينين 3 التيرانات اللي متنافسين على هاذ الشي هما تيران الحسن الثاني الكبير بالدار البيضاء، وسنتياگو برنابيو فمدريد وكامب نو فالبرصا.
وخرج هاذ المرة رئيس البارصا، خوان لابورتا باش يهضر على مناسبة إعلان النادي الرغبة فتنظيم نهائي دوري أبطال أوروبا 2029، واستغل الفرصة باش يأكد بلي باغيين ينظمو فيال مونديال 2030.
وقال لابورتا: “فخور حيث تيران كامب نو غادي يكون أحسن ملعب فأوروبا، وأكبر ملعب من حيث السعة، ومريح وآمن، وعندو جاذبية تجارية كبيرة”.
وكمل رئيس البارصا، وقال: “دوري أبطال أوروبا هو أهم بطولة للأندية فالعالم، وبغينا استضافة المباراة النهائية على ملعبنا فعام 2029، وحتى نهائي كأس العالم 2030، وغانخدمو بمجهودنا باش نحققو هذا الشي”.