كود سبور//
أكد فيورنتينا الطالياني التشبث ديالو بالدولة المغربي سفيان أمرابط لعاب المنتخب الوطني المغربي، واللي صبح مطلوب فأندية أوروبية كبيرة فحال ليفربول وتوتنهام فالننكليزي.
وكشف دانييل براد المدير الرياضي ديال فيورنتينا موقف فرقتو من انتقال سفيان أمرابط فالميركاتو الشتوي الجاي إلى ليفربول أو توتنهام وقال فتصريح له: “حنا باغيين نخليو سفيان أمرابط هنا ففيورنتينا وما عندنا حتى فكرة باش نبيعو العقد ديالو”.
وزاد المسؤول ديال فيورنتينا وقال: “عندنا خيار باش نزيدو نمددو العقد ديالو مع أمرابط، وما كاين علاش غادي نزربو راه هو جزء من المشروع ديالنا”.
وصبح الدولي المغربي سفيان أمرابط مطلوب فالننكليزي وبالضيط فليفربول وتوتنهام، اللي باغيين يسنوي معه فشهر يناير اللي جاي، باش يقويو خط الوسط ديالهم وهادشي من بعدما تألق مع المنتخب الوطني المغربي فكأس العالم قطر 2022، وأيضا تألق مع فيورنتينا ملي بدا هاد الموسم بشكل كبير.
Laisser un commentaire