گود سبور//
خرجات البوكسور(ة) الجزائرية المثيرة للجدل إيمان خليف، تدافع على راسها تاني بعد الاتهامات اللي توجهت لها، على أنها راجل كايتكومبا مع العيالات فرياضة الملاكمة او متحول جنسي، وقالت الرواية ديالها على شنو واقع معها، وكشفت أنها دارت علاج هرموني باش تنقص معدل التستوستيرون عندها قبل أولمبياد 2024، وأكدت فحوار مع “ليكيب” الفرنسية، أنها ماشي متحول جنسي.
ووضحت إيمان خليف مولات 26 عام، أنها عندها هرمونات اأثوية، غير الحاجة اللي ما عارفينش عليها الناس هو أنها هدأت هرمونات باش تنقص من التستوستيرون عندها باش تقدر تشارك فشي بطولات، وبخصوص واش عندها “جين أس آر واي” (SRY) الموجود على الكروموسوم واي (Y) اللي مرتبط بالذكورة، أكدت إيمان خليف بلي هذا الشي كاين وأنه طبيعي، وقالت بلي عندها طاقم طبي اللي مقابلين الحالة الصحية ديالها.
إيمان خليف اعتبرت راسها أنها كانت ضحية حملة بعد أولمبياد بارس لتشويه صورتها وهجمات تدارت عليها بأنها راجل كايتكومبا مع العيالات.