گود سبور//
مهدد أولمبيك آسفي بخسارة ماتش الفريق ضد دجوليبا المالي، ضمن الجولة الخامسة من كأس الكونفدرالية الإفريقية لكرة القدم، الويكاند الجاي فتيران المسيرة الخضرا وماشي بالكورة ولكن بالستيلو، والسبب كايقتل بالضحك من كثرة الفقصة، وعندو علاقة بالممر ديال اللاعبين فالتيران.
وكشفت مصادر مطلعة، أن الشركة اللي تكلفت بتهيئة ممر ملعب تيران المسيرة الخضرا بأسفي، غاديين يمشيو غدا الجمعة فالصباح، باش يحيدو التجهيزات اللي دارو فالممر، حيث ما تخلصوش فيها من طرف المكتب ديال أولمبيك آسفي اللي على راسو محمد الحيداوي.
وكاتقول الشركة اللي جهزت ممر اللاعبين ديال ملعب المسيرة الخضرا فمراسلة دارتها لرئيس المجلس الجماعي لآسفي عند “گود” نسخة منها: “قمنا في آجال كانت مستعجلة، بوضع غطاء لممر دخول اللاعبين داخل ملعب المسيرة التابع لجماعتكم، وذلك بناء على طلب صريح من المكتب المسير لنادي أولمبيك آسفي ممثلا في شخص رئيسه محمد الحيداوي استجابة لمتطلبات وشروط العصبة الوطنية لكرة القدم الاحترافية، قصد تمكين النادي من استقبال مبارياته الرسمية بملعبه وأمام جماهيره، غير أنه ورغم مرور عدة مواسم وما رافق ذلك من التزامات ووعود لم يتم تنفيذها، فإن شركتنا تجد نفسها اليوم مضطرة إلى سحب التجهيزات المذكورة، وذلك لأن وضع الممر تم بطلب من المكتب المسير للنادي وفي إطار الاستعجال المرتبط بشروط الترخيص، وتوصلنا بتأكيد من رئيس النادي يفيد باقتناء هذه التجهيزات بعد مصادقة العصبة الاحترافية”.
وأكدت الشركة: “إلى حدود تاريخ هذه المراسلة، لم نتوصل بأي مقابل مالي عن التجهيزات الموضوعة بالملعب رغم استعمالها الفعلي وطابعها الإلزامي، وإذ نسجل هذا الوضع، فإننا نعتبر أن هذا الأسلوب في التعامل لا ينسجم مع مكانة نادي أولمبيك آسفى ولا مع صورة مدينة آسفى ومؤسساتها”.
وقررت الشركة حسب المراسلة: “نحيطكم علما بعزمنا على استرجاع جميع التجهيزات موضوع هذه المراسلة بحضور مفوض قضائي، ونلتمس منكم التفضل بتكليف من ترونه مناسبا للحضور يوم الجمعة صباحا على الساعة الحادية عشرة (1100)”.
وإلى مشات حتى حيدات الشركة التجهيزات ديال ممر تيران أولمبيك اسفي، راه غادي يأثر هذا الشي على الفريق المسفيوي فالماتش ديالو ضد دجوليبا المالي، حيث فيه إخلال من طرف أولمبيك اسفي بدفتر تحملات الكاف بخصوص الملعب، مع العلم ان الماتش راه ملعوب يوم الاحد الجاي، والأكثر من هذا راه هذا الشي يقدر يمس بصورة المغرب، اللي نجح ونظم احسن نسخة من كاس أفريقيا بمجوهرات كل المتداخلين وبتعليمات من سيدنا، للجامعة الملكية المغربية المغربية لكرة القدم برئاسة فوزي لقجع وللحكومة، وماشي مقبول ان مكتب ديال أولمبيك اسفي اللي على راسو الحيداوي يحطو صورة البلاد فهاد الوضوع، إيوا شنو خلاو للأجندات الأجنبية المعادية للمملكة المغربية، بل العكس غايعطيوها فرصة فين تزيد تبورد.
