كود – وكالات//
مني سالا الشوط الأول ديال السوبر بول فمريكان ، دار المغني البورتوريكي Bad Bunny عرض خلّى الناس ينقسمو بين اللي عجبهم واللي ما عجبهمش، الرئيس دونالد ترامب كان من أكثر الناس اللي هاجمو العرض، وكتب فـمنصة “Truth Social” بلي كان “ناقص بزاف” و“واحد من أسوأ العروض”، واعتبرو “طرشة لأمريكا”، حيث الأغاني كانت كلها تقريباً بالإسبانية، والرقص حسب رأيو ما مناسبش للعائلات والأطفال.
ترامب ما حبسش غير فالعرض، ولكن مشا حتى ل سوبر بول، وهاجم واحد القانون الجديد ديال البداية (Kickoff Rule)، وسمّاه “ الحامض ”، وقال خاص اتحاد كرة القدم الأمريكية يحيدو دغيا ، حسب رأيو، هاد التغيير نقص من الحماس ديال المباريات وخسر الفراجة ديال الجمهور، واعتبرو مثال على “القرارات الفاشلة” اللي كيديرو المسؤولين.
Το εντυπωσιακό show του ημιχρόνου του Super Bowl αποτέλεσε ιστορική στιγμή. Ο Bad Bunny μετέφερε στη σκηνή την κουλτούρα του Πουέρτο Ρίκο και έστειλε μηνύματα στήριξης προς τη λατινοαμερικανική κοινότητα και τους μετανάστες στις HΠΑ.#badbunny #superbowl #supebowl26 #puertorico pic.twitter.com/4Rcyr8dfoq
— ΤΟ ΒΗΜΑ (@tovimagr) February 9, 2026
وزاد ترامب هاجم وسائل الإعلام، واعتبرها “مدرحة ”، وقال بلي غادي يشكرو العرض وخا عيان، حيث ما كيفهموش شنو واقع فحياة الناس العاديين ،كما قال لجمهورو باش يطفيو التلفزة وقت العرض ويمشيو يتفرجو فـبرنامج آخر على يوتيوب، عوض العرض الرسمي.
من جهة أخرى، Bad Bunny دار عرض فيه موسيقى لاتينية، ورقصات ورسائل على الثقافة البورتوريكية والمشاكل اللي كتعاني منها بحال انقطاع الضوء والفقر والهجرة ،حتى ليدي غاغا شاركات معاه فواحد المقطع، وهاد الشي عطى قيمة أكبر للعرض، بزاف ديال الناس عجبهم هاد التنوع واعتبروه حاجة زوينة كتبيّن أن أمريكا فيها ثقافات مختلفة، اما آخرين تافقو مع رأي ترامب.