كود سبور//
اعتبر الفرنسي أرسن فينگر الخبير فالكرة العالمية والمسؤول على تطوير كرة القدم فالاتحاد الدولي للعبة، ان المغرب قادر على المنافسة والتتويج بكاس العالم.
وفحوار له مع BSNSports اعتبر أرسن فينگر أن الإمكانيات والمستوى ديال المغرب تضاهي الدول الأوروبية الكبيرة بحال إسبانيا وفرنسا والنگليز، وان عدد من لاعبي المنتخب الوطني المغربي كاتزاد النجومية ديالهم وقيمتهم التسويقية، والأداء ديالهم المتميز فالساحة الكروية العالمية دليل على هذا الشي.
فينگر اعتبر ان المنتخب المغربي هربان على باقي المنتخبات الافريقية، وقال: “ما يمكنش حاليا تصنيف المغرب مع المنتخبات الافريقية، المستوى ديالو راه بحال المنتخبات الاوروبية الكبيرة، بكثرة النجوم اللي فيه وحتى قيمتهم التسويقية والإمكانيات اللي عندهم”.
ووضح فينگرالمدرب السابق لأرسنال أن المغرب كايكون مرتاح وهو كايلعب بأسلوب كرة القدم الأوروبية، وانه كايقدم اداء احسن فالبطولات الدولية مقارنة بالبطولات الافريقية، مع اختلاف الأساليب الأساليب التكتيكية.
أرسن فينگر توقع ينافس المنتخب المغربي الأوروبين على كاس العالم، وقال: “المغرب غادي يكون المنافس الأقوى لكرة القدم الأوروبية فكاس العالم الجايا، ويقدرو يربحو اللقب فشي نسخة من النسخ الخمسة اللي جايين ديال المونديال”.